tg-me.com/UmfatimaALzahraa34/6640
Last Update:
نعي للقاسم عليه السلام
لسان حال رمله سلام الله عليها
🏴🏴🏴🏴🏴
ياخيمتي وطاحت الخيمه
يمه الولد يلكله شيمه
من فزعتي طريت هيمه ~~~~
طريت هيمه ودوريته
وسط المعاره ابني لگيته
ذاك العزيز الدلليته
وياه كون اتروح روحي
ام✍️ حسين الحسني
🏴🏴🏴🏴
يكون روحي راحت وياه
غالي الولد وشلون انساه
يالقاسم يالتعجب حجاياه ~
يمه الولد يا حلو العيون
رتك تجيه وتبقه لي عون
وسفه الدهر خيبلي الضنون
عليكم يوالي انعاب كلبي
ام زين✍🏻 العابدين لمحمداويه
🏴🏴🏴🏴🏴
عاب الگلب من بعد الأوليد
للموت ما اسكت ولاهيد
ما ادري وكتي مني شيريد
-------
شيريد من عندي زماني
خذاك يمه اودلباني
طگني على اعيوني وعماني
✍️ ام احمد المنصوريه
🏴🏴🏴🏴🏴
وسفه الكبر مني خذاك
يوليدي يالحلوه حجاياك
اريد اندفن يايمة وياك
✍🏻 هدى المرزوق
🏴🏴🏴🏴🏴 طكني وعمه مني العيون
ياولد يالخيبت الضنون
الفركه يمه موش بلهون
ام✍🏻 رافد السامر
🏴🏴🏴🏴🏴
طكني الدهر ودر اعيوني
ومن الولد ليش احرموني
جيبو الولد وتلاحكوني
اتلاحكو الظلت سبيه
بيد الغرب ورحت من اديه
اريد ابجي انه حد المنيه
ام ✍🏻حيدر العباديه عماره
🏴🏴🏴🏴🏴
يبني يالمشيم يغالي.
ياسور بيتي الجان عالي.
وسفه اندفن عزي ودلالي.~~~~
ماي وتبده بالبراري.
ون الكلب جندوب اداري.
انعه اظل حلو الطواري.
ام ✍🏻فاطمة الزهراء ،
🏴🏴🏴🏴🏴
طگني زماني وتعب الحيل
بس الدمع ومساهره اليل
تميل الرزايه منين ماميل~~~~
مالت الدنيا والأمل خاب
من شفت جاسم فوگ الاترتب
وخليت بأمك ماضي الاصواب
ام ✍🏻ستار الكعبي
🏴🏴🏴🏴🏴
ياضخيرتي واليوم عازه
وياعكازتي بصحره نزازه
وعلى المتونك اتشيل الجنازه
،،،،،،،
ياريع گلبي ولبت احشاي
ردتك يالولد اتكون وياي
لاطال عمري وكثر بلواي
ام ✍🏻محمد الساري
🏴🏴🏴🏴🏴
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيهه
هاذا العمل مهدات الئ مولاتي السيدة رمله عليها السلام
https://www.tg-me.com/z_zaynabb
BY ناعيه الخيام
![](https://photo.tg-me.com/u/cdn4.cdn-telegram.org/file/vqk5l4RbmICax3YI3TgLuCvEZPRni7zZd9iOyMp2EcbWflgg5lgUBsQyY59cFqoGbAdkmN-d6CeFzU3t9Uz8-J--0hZnGIvtEQ8jPe43BvJhww_LqLGZWkAEhxV9G87hI6T-viup1qgZuKXND6GqqppquMJL6hbs_IgfLe3M4QBR_qLbfEZfCgbo_3lnKVQ4uBnAmQ_wHiCNANvCp7FPZFE7DMwicU8etxIFBfPQdbYu6FKCecaqeGP5WWT7DpmGGcM9mFKsD2V44nrueKPJw2uQDpSvb2ndYMCQKRgMY5FB7ubqepPV30Sx3XC1Dm-LOoCysVVQAdBXn9ahSaQi7g.jpg)
Share with your friend now:
tg-me.com/UmfatimaALzahraa34/6640